Les chifes eyèt les nombes

Po conter

• 0 zérô; 1 onk / one; 2 deus; 3 troes; 4 cwate; 5 cénk; 6 shîjh; 7 set; 8 hût; 9 noûv; 10 dîjh; 11 onze; 12 doze; 13 traze; 14 catoize;15 cwinze; 16 saze; 17 dîjh-set; 18 dîjh-hût; 19 dîjh-noûv; 20 vint; 21 vint-onk; 22 vint-deus; 23 vint-troes; 24 vint-cwate; 25 vint-cénk; 26 vint-shîjh; 27 vint-set; 28 vint-hût; 29 vint-noûv; 30 trinte; 40 cwarante; 50 céncwante; 60 swessante; 70 septante; 80 cwatrè-vint; 90 nonante; 100 cint; 1 000 000 milion; 1000 meye; 1 000 000 000 miliård

Pa dvant on mot d' ene seule sillabe ki cmince avou 'ne voyale, cwate èt catoize purdèt on r:

• cwatre omes, cwatre ous (quatre hommes, quatre œufs); catoirze omes (quatorze hommes).

Å pus sovint, li dierinne cossoune di shîjh, dîjh, hût et vint ni s' ôt nén si ces chifes la siervèt di prézintreces po on no k' atake avou 'ne cossoune.

• shîjh bateas (prononcî sî ou chî ou, pus rårmint chîj, sîh) (six bateaux); dîjh fignesses (prononcî dî ou, pus rårmint, dîj, dîh) (dix fenêtres); dj' a veyou hût djins (prononcî û, yû) mins i gn aveut hût (prononcé yût, ût', etc.)

Pa dvant on mot ki cmince avou 'ne voyale, cwate, set, hût, vint èt cint polèt prinde on z:

• inte cwate-z ouys (entre quatre yeux); les set-z ôtes (les sept autres); gn a hût-z åbes (huit arbres); il estint noûv-z efants (ils étaient neuf enfants); vint-z åbes (vingt arbres); i gn aveut cint-z omes (il y avait cent hommes)

On stiche on èt après les cintinnes a pårti di cint èt onk:

• céncwante-onk (cinquante et un); cint èt onk (cent un); cwate cint (èt) vint-deus (quatre-cent vingt-deux); deus meye cénk cint (èt) septante-troes (2573)

Po les limerôs d' orde, on dit prumî / prumîre èt adon on s' sieve des chifes avou li cawete -inme:

• 2e deuzinme; 3e troezinme; 4e cwatrinme; 5e cénkinme; 6e shîjhinme; 7e setinme; 8e hûtinme; 9e noûvinme; 10e dîjhinme; 11e onzinme; 12e dozinme; 13e trazinme; 14e catoirzinme; 15e cwénzinme; 16e sazinme; 17e di-setinme; 18e dijh-hûtinme; 19e dijh-noûvinme; 20e vintinme; 21e vint-yoninme; 22e vint-deuzinme; 23e vint-troezinme ; 30e trintinme; 40e cwarantinme; 50e céncantinme; 60e swessantinme; 70e septantinme; 80e cwatrè-vintinme; 90e nonantinme; 100e cintinme; dierin, dierinne.

Des chifes k' i gn a siervèt po dvizer d' ene cwantité a pô près (grande ou ptite):

• ci n' esteut k' ene fleur avårla (il y a avait énormément de fleurs, les fleurs étaient si nombreuses qu'elles semblaient n'en former qu'une); djel a veyou trinte-shîjh côps; djel a veyou co traze côps; djel a veyou (co) cint feyes (je l'ai vu trente-six fois, de nombreuses fois) ; il a toumé troes gotes (il est tombé trois gouttes)

On-z eploye eto li cawete -inne:

• ene deuzinne (une paire), ene troezinne (environ trois), ene cwatrinne (environ quatre), ene cénkinne (environ cinq), ene shîjhinne (environ six), ene setinne (environ sept), ene hutinne (une huitaine), ene noûvinne, ene dîjhinne... on cint ou ene cintinne (une centaine), on meye (un millier)

Carculaedje

Ewalisté:

• onk èt onk fijhèt deus; onk èt onk, c' est deus; onk èt onk, çoula ou ça fait deus

Acdicion:

• onk èt onk fijhèt deus (un plus un égal deux)

Ritiraedje:

• shîjh mons troes, ça fait troes; troes d' shîjh, ça fait troes; troes foû d' shîjh, ça fait troes

Monpliyaedje:

• troes côps ou feyes troes, ça fait noûv (trois fois trois égal neuf); mins eto: li dobe (le double), li tripe ou troes côps ostant (le triple), cwate côps ostant (le quadruple), cénk côps ostant (le quintuple), etc.

Pårtixhaedje

• noûv pårti è troes, ça fait troes. Mins eto: li mitan (la moitié), li tîsse (le tiers), li cwårt (le quart), li cénkinme (le cinquième), li shîjhinme (le sixième), etc.

Fracsions

• 1/2: on dmey, ene mitan, ene mwetey; 1/3: on tîsse; 1/4: on cwårt; 2/5: deus cénkinmes; 1/6: on shîjhinme, on dmey tîsse; 4/7: cwate setinmes

Porcintaedjes:

• doze do cint ou doze å cint (12%)

Décimåles:

• doze trinte-onk ou doze èt trinte-onk ou doze coma trinte-onk (12,31)

Les eures

Les eures si polèt dire come è francès:

• 8.01: hût eures yene; 8.05: hût eures (èt) cénk; 8.15: hût eures èt cwårt ou on cwårt; 8.20: il est hût eures (èt) vint; 8.30: hût eures èt dmeye; 8.35: hût eures trinte-cénk; 8.42: hût eures cwarante-deus; 8.45: noûv eures mons l' cwårt; 8.55: il est noûv eures mons cénk

Ele si polèt eto dire come ciddé pa dzo:

• 8.05: cénk munutes après hût eures; 8.15: on cwårt d' eure après hût eures; 8.20: vint munutes après hût eures; 8.30: li dmeye di noûv; 8.35: vint-cénk munutes po troes eures; 8.45: li cwårt di noûv eures ou cwårt po noûv ou on cwårt d' eure po / divant noûv eures; 8.55: cénk munutes po / divant noûv eures

Ôtès eures:

• 12.00: doze eures ou midi ou nonne; 14.00: deus eures di l' après-nonne ou ... après l' dîner ou ... di l' après l' dîner; 00.00: meye-nute ou doze eures al nute $\sim$ å nute $\sim$ par nute; 8.00: hût eures å matén; 20.00: hût eures al $\sim$ å nute; = 3.00: a troes eures petant $\sim$ tapant (à trois heures pile); $\pm$ 3.00: sol côp di troes eures (sur le coup de trois heures); vè les troes eures ou aviè (les) troes eures ou deviè (les) troes eures (vers trois heures); < 3.00: i betche a ou après troes eures (il est près de trois heures); > 3.00: passé troes eures ou troes eures passé (trois heures passé)

Les dates

Ezès dates, li dvancete di si stitche pa dvant li no do moes:

• 1/1/1999: li prumî di djanvîr meye noûv cint nonante noûv; 18/11: li dîjh-hût di nôvimbe; 12/8: li doze d' awousse