Li no

Sôrte

Des mots k' i gn a sont-st omrin è walon, adon ki li mot aparinté è francès est femrin:

• èn advinia (une devinette; mins ene advinete); èn årmå (une armoire; mais ene årmwere); on botike (un magasin, une boutique); on cazake (une casaque, une veste); on cofteu (une couverture; mais ene couverte); on crestea (une crête); on cwî ou on couyî ou on kilî (une cuiller); on dint (une dent); on piele (une perle); on pun (une pomme, mais ene pome); do spite-a-les-îs (de la poudre aux yeux; mais ene sipite, une éclaboussure); on ståve (une étable); èn ouxh (une porte; cf. un huis) mais ene poite (une grande porte); on vis (une vis), evnd.

Des mots k' i gn a sont femrins è walon, adon ki li mot aparinté è francès e-st omrin:

• ene air (un air); ene aite (un cimetière); ene aloumwere ou ene aloumîre (un éclair); ene andje (un ange); ene angleye (un angle); ene apresse (un apprêt, des préparatifs); ene atote ou ene triyonfe (un atout); ene båjhe (un baiser); ene bouboune (un bonbon); ene caramele (un caramel); ene cimintîre (un cimetière); ene cope (un couple); ene djumele (un jumeau); ene elastike (un élastique); ene evandjîle (évangile); ene marone (un pantalon); ene ongue (un ongle); del petrole (du pétrole); ene pîssinte (un sentier; cf sente); del sirôpe (du sirop); ene sitoûve (un poële; cf une étuve); ene tchûze (un choix); ene usteye (un outil; mais èn osti); del warglaece (du verglas); ene så (un saule), ene få (un hêtre), ene côrîye ou ene côre (un noisetier, mais on noejhî), ene bôle ou ene beyôle (un bouleau); mais on ou ene hesse (un hêtre), on tchinne (un chêne), on bôlî (un bouleau), evnd.

Nombe

Li scrîte rimårke do pluriel e-st on s (måy on x):

• ene djin (une personne) $\rightarrow$ des djins; on tchvå (un cheval) $\rightarrow$ des tchvås; l' ouy (l'œil) $\rightarrow$ les ouys; li fizik (le fusil) $\rightarrow$ les fiziks; on cayô (un caillou) $\rightarrow$ des cayôs.

Des mots k' i gn a s' eployèt tofer å pluriel:

• des cårs ou des liårds ou des çansses ou des petôles ou des aidants (de l'argent); des broûs (de la boue; mais on broû, un bourbier); les håres (les vêtements); des berikes (des lunettes); des courreyes ou des coratreyes (de l'agitation, des démarches inutiles); des dondinnes (des caprices, des fantaisies); des gobeyes (des guenilles); des kekesses (des questions importunes); les lokes (les vêtements, l'habillement); des mezômenes (des manières; commissions secrètes); des mizeres (des détritus); les poketes (la variole); les rodjetes ou les rodjeus ou les rovioûles (la rougeole); les boufletes (les oreillons); les poketes volantes (la varicelle). Mais: li djaenisse (jaunisse), li coûtrece d' alinne (l'asthme), evnd.

Sacwants mots walons s' eployèt å singulî, sol tins ki li mot aparinté è francès s' eploye å pluriel:

• ene cizete (des ciseaux); ene tricwesse (des tenailles); ene cizaye (des cisailles); ene djermale (des jumeaux), evnd.