Les adrovîres

Nos lomans adrovîres totes sôres di mots ou di ratoûrneures k' ont tertos come role est d' adrovi ene fråze.

Voci, vochal eyèt vola

• voci l' ome ki nos cachins après (voici l'homme que nous cherchions); vo l' la k' il arive (le voilà qui arrive); la nosse Djan k' arive (voilà notre Jean qui arrive); vola 'ne sacwè a mougnî (voilà quelque chose à manger); la k' i s' pete a tchoûler (voilà qu'il se met à pleurer); vola-t i nén k' i ratoûne (ne voilà-t-il pas qu'il fait demi-tour!)

Li stitchete ri, les pronos di djins, l' adviebe di niyaedje ni eyèt les pronos objets î eyèt endè si stitchèt inte les deus pårteyes do mot:

• vo m' ci (me voici); vo t' la (te voilà); vo l' la (le voilà ou la voilà); vo les chal (les voici); vo l' rila co on côp (le revoilà encore une fois); vo nos î la (nous y voilà); vo nel la-t i nén co 'ne feye! (est-ce que ce n'est pas encore une fois lui!)

I gn a

• (i) gn a l' tchén ki hawe (le chien aboie; il y a le chien qui aboie); (i) gn a on tchet ki vént pesteler nosse corti (un chat vient piétiner notre potager, ou il y a un chat qui...); i gn a pont (il n'y en a pas)

C' est

• c' est mi k' est maisse (c'est moi qui suis le maître)

Li ratoûrneure c' est e-st énvariåve.

• c' est des djins (ce sont des personnes)