Sous-sections
Normålmint, li viebe del fråzlete di tins si met a l' indicatif si l' fråzlete
aloyeye si passe è minme tins ki l' maisse fråzlete ou après; i s' met å
suddjonctif si l' fråzlete aloyeye si passe divant li maisse fråzlete.
- (a) tchaeke côp ki ou (a) tot côp ki (chaque
fois que): a tot côp ki dji potche, dj' a må mes gngnos (à
chaque fois que je saute, j'ai mal aux genoux); adon ki (au
moment où, alors que): adon ki m' revey sonéve, dji tcheya
djus di m' lét (alors que mon réveil sonnait, je tombai en bas du
lit); a fait ki ou a mezeûre ki ou fait a
mezeure ki ou fait a fait ki (à mesure que);
alôrs' ki (alors que) ; å moumint ki (au moment
où) ; a pårti do moumint ki (à partir du moment où) ;
a ponne ki, (à peine que): a ponne k' elle a-st avu
mindjî, elle end a nd alé (à peine a-t-elle eu fini de manger
qu'elle est partie); après ki (après que): après
k' i fourit vnou foû del sicole, li rôpin ala djower è bwès
(après qu'il fût sorti de l'école, le gamin alla jouer dans le
bois); Madama Lînåd a vnou dmorer vaici tot d' shûte après
ki s' pa a stî evoye (Madame Léonard est venue habité ici
immédiatement après le décès de son père); asteûre ki
(maintenant que); come (comme): i sôrta come dji
rintréve (il sortit comme je rentrais); d' abôrd ki ou
ossi rade ki ou si rade ki ou si vite ki
ou do côp ki ou tot d' shûte ki ou si tôt
ki (dès que); ossi rade (dès) + pårticipe erîrece:
ossi rade rintré, il ala coûtchî (dès qu'il fut rentré, il
alla dormir); dispû ki (depuis que); d(i)vant ki
(avant que) + suddjonctif: fijhans l' divant k' i n' vinxhe
(faisons-le avant qu'il vienne); djusk a ce ki ou
djusk a tant ki ou tant ki (+ subj.) (jusqu'à ce
que): il ont copiné insi djusk a tant k' il a fait noer
(ils ont bavardé ainsi jusqu'à ce qu'i fasse noir); do tins
ki ou tins ki ou dismetant ki ou sol
tins ki ou tot fant ki ou di ç' tins ki ou
li tins ki (pendant que); ki (pendant que, alors
que): il a apicî ene deuzinme marinde k' i shonnéve k' on nel
waitîve nén (il s'est emparé d'une deuxième tartine au moment où
il semblait qu'on ne le regardait pas); on côp ki (une fois
que); ossi lontins ki (aussi longtemps que); cwand
(quand); cwand (c' est) ki ou cwand ki (lorsque);
tot ratindant ki (en attendant que) + suddjonctif
A pus ki li contråve sereut dit, ces fråzletes la si batixhèt avou
l' indicatif.
- a cåze ki (parce que); come (comme):
come il esteut tårdou, i sont-st evoye sins lu (comme il
était en retard, ils sont partis sans lui); d' abôrd ki
(puisque, dans la mesure où); do moumint ki (du moment que)
; d' ostant (pus) ki ou pår ki (d'autant que,
d'autant plus que); ki (de manière que) + conditionnel:
ele nadje pa dzo l' aiwe ki ti nel såreut vey (elle nage
sous l'eau, de manière que tu ne pourrais pas la voir); (la)
co bén ki (heureusement que); pace ki (parce que)
puski (puisque); po çou ki (puisque);
surtout ki, pår ki, apreume ki (surtout que); télmint ki (tellement):
ele n' a nén moti, télmint k' elle aveut pawe (elle n'a
rien dit, tellement elle avait peur); veyanmint ki (vu que,
étant donné que); å pont ki (au point que); a tél
pont ki (à tel point que); si bén ki (si bien que);
tantia ki (si bien que); sins ki (sans que) +
suddjonctif; afîs' ki (afin que) + suddjonctif; di
façon (a çou) ki (de façon à ce que) + suddjonctif; di
(téle) manîre (a çou) ki (de manière à ce que) + suddjonctif ou
indicatif futeurrece; di manîre ki (de sorte que) + indicatif
prézintrece; (di) peu ki, di pawe ki, (di) sogne ki (de peur
que) + suddjonctif ou codicioneu; po ki (pour que) +
suddjonctif. ; po n' nén ki (pour que ... ne ... pas) +
suddjonctif: po n' nén k' il ervåye (pour qu'il ne retourne
pas) di téle sôrt ki (de sorte que).
L' aloyrece ki pout esse eployeye tote seule è sins di å pont
ki, di manîre ki:
- ele boute come ene biesse, k' ele n' a nén minme li tins
do magnî (elle travaille comme une bête, à un point tel qu'elle
n'a même pas le temps de manger); elle a ataké a criyî
k' elle åreut fé avu pawe on tchén (elle a commencé à crier si
fort qu'elle aurait effrayé un chien)
- å cas ki ou dins l' cas ki ou mwint
côp ki (au cas où) + codicioneu; a condicion ki, so
condiction ki (à condition que) + suddjonctif; adon ki
(alors que) ou a mons ki (à moins que) + suddjonctif ou
codicioneu; a pus ki (à moins que / de) + infinitif ou
suddjonctif: li meur ni ténrè nén, a pus ki d' l'astoker /
a pus k' nos l' astokanxhe (ce mur ne tiendra pas, à moins que
nous l'étançonnions); a supôzer ki (à supposer que) +
suddjonctif ou codicioneu ca bén ki ou co bén
(minme) ki (lors même que, même si) + codicioneu: ca bén
k' dji sereu ritche, dji vicreu come asteure (lors même que je
serais riche, je vivrais comme aujourd'hui); d' abôrd ki
(du moment que) + indicatif; d' astcheyance ki (au cas
où); d' azård si (si jamais) + indicatif; di hisse
ki, di sogne ki, di peu ki (de peur que); do moumint ki
(du moment que); doulmint ki (à condition que, du moment
que); a pårti do moumint ki (à partir du moment où) +
indicatif; minme si (même si) + indicatif ou codicioneu;
minme ki (même si) + codicioneu; por ostant ki
(pour autant que, dans la mesure où): il est d' acoird por
ostant ki ça nel disrindje nén (il est d'accord dans la mesure
où ça ne le dérange pas); po si pa des côps (au cas où,
dans l'éventualité où); pourvu ki ou porveu ki
(pourvu que) + suddjonctif; s(i) (si) + indicatif ou
codicioneu: s' i vént, nos djowrans eshonne ou
s' i vénreut, nos djowrins eshonne (s'il vient ou s'il venait,
nous jouerons ensemble); såf si ou i gn
a jamais ki si (sauf si): dji v' vénrè vey, i gn a
jamais ki s' i ploûreut (je vendrai vous voir, sauf s'il
pleut); seuye-t i... seuye-t i
Dins 'ne fråzlete aloyeye d' abayeye ki cmince avou si, li
walon pout eployî seuye-t i on codicioneu prézintrece, seuye-t i èn
indicatif erîrece durant, seuye-t i on suddjonctif erîrece durant:
- si dj' åreu des cårs, dj' end îreu ou si
dj' aveu... ou si dj' avaxhe... (si j'avais de
l'argent, je partirais)
Normålmint, les fråzlete po scontrer ou admete ene sacwè si metèt a
l' indicatif.
- adon ki ou å rgard ki (alors que): i
n' mi rwaite pus, adon ki dj' a tant fait por lu (il ne me
regarde plus alors que j'ai tant fait pour lui); a pårt ki
(sauf que): ça va bén, a pårt ki dj' a må mes pîds (ça va
bien, sauf que j'ai mal aux pieds); bén ki (bien que);
ca bén ki (quand bien même) + codicioneu ou suddjonctif:
ca bén k' il åreut fait del grande air... (quand bien
même il y aurait eu beaucoup de vent...); ca bén ki
ç' seuye lu... (quand bien même ce serait lui...);
ca bén ki (quoique, même si) + indic.; co(r) bén
ki (encore que, bien que) + codicioneu ou suddjonctif;
cwand (quand) + codicioneu; cwè ki (quoique);
ki (quoique; alors que): ki, dji n' è vôreu nén fé
on vraiy (quoique je ne prétende pas que ce soit vrai);
cwite a çou ki (quitte à ce que) + suddjonctif;
ecor ki (encore que, malgré que); mågré ki (malgré
que) + indicatif ou suddjonctif; minme si ou minme
ki (même si) + indicatif ou codicioneu; minme ki (quand
bien même) + codicioneu: c' e-st insi ki ça îrè, minme ki ti
n' vôreus nén (cela se passera ainsi, quand bien même tu ne le
voudrais pas); portant ki (alors que): dj' a veyou
deus taessons è l' ivier, portant k' on dit k' i n' rexhèt nén ås
nîves (j'ai vu deux blaireaux en hiver, alors qu'on affirme
qu'ils ne sortent pas à la saison des neiges); sol tins ki
ou tot fant ki (alors que).
- si... ki ou ossi ... ki (quel que,
aussi ... que) + adjectif èt suddjonctif ou indicatif:
il arive tofer å coron di si ovraedje, ossi deur k' i seuye
ou ossi deur seuye-t i (il parvient toujours à achever son
travail, aussi pénible soit-il / quelle qu'en soit la difficulté);
si ... seuye-t i (si ... soit-il): si
ptits seuyexhe-t i, i n' pasront nén è trô (si petits soient-ils,
ils ne passeront pas dans le trou); tot ... ki (tout
... que): tot prézidint k' il est, i doet payî
l' intreye (tout président qu'il est, il doit payer l'entrée);
ki + VIEBE å suddj. + n' impôrte (li) ké ou
di tot l' minme (li) ké...: k' i mete tot l' minme li
kéne marone, il a l' air må egayolé (quelque pantalon qu'il
mette, il a l'air mal habillé); divancete + tot l' minme (li)
ké + no + ki ou divancete + kéne + nom +
ki: divins tot l' minme li kéne måjhon ki vos
seuyoxhe, dimorez poli (dans quelque maison que vous soyez,
restez poli); cwè ki (quoi que): cwè k' on deye, i
n' mi plait nén del fé (quoi qu'on dise, je refuse de la faire);
kî ki (qui que): dji n' ployrè nén dvant kî ki
ç' seuye (je ne plierai pas devant ki que ce soit); tot
l' minme cwè ki (quoi que): tot l' minme cwè k' advinxhe,
i våt todi mî sorîre (quoi qu'il advienne, il vaut mieux
sourire); ki + VIEBE å suddj. + fråzlete aloyeye di
plaece... (respond å francès où que): k' i våye
(tot) wice k' i vout, i s' pied tofer (où qu'il aille, il se perd
toujours); ki + VIEBE å suddj. + si/ossi + adjectif
+ k' on vout (ou åk insi) (respond å francès quel
que + viebe être å suddj. + no): ki li bouye
seuye ossi målåjheye ki vos voloz... (quelle que soit la
difficulté de la tâche, ...) ou ossi målåjhey ki ça
seuye (si difficile que ce soit...), evnd.
- come (comme, ce que): vos froz come i dîront
(vous ferez ce qu'il vous commanderont); mons ... ki
(moins ... que); ostant ki (autant que):
ostant por mi ki por vos (autant pour moi que pour vous);
di pus ki ou pus' ki (plus que); labele si
... ki (à plus forte raison): labele si vos årîz stî
la k' on-z åreut rî (à plus forte raison, c'est seulement si vous
aviez été là qu'on aurait ri); ossi ... ki (aussi
... que) ou si ... ki (dins les niyeyès fråzes):
i n' est nén si foirt k' il a l' air (il n'est pas aussi
fort qu'il en a l'air); pus rade ki ou putôt ki ou
pus vite ki (plutôt que) + infinitif ou suddjonctif:
nos lî dmandrans del fé, pus rade ki del fé nos ôtes minmes
(nous lui demanderons de le faire, plutôt que de le faire
nous-mêmes); shûvant ki (selon que); télmint ki
(tellement): i n' tént pus so ses djambes, télmint k' il
est scrans (il ne tient plus sur ses jambes tellement il est
fatigué); parèy ki (comme si) + codicioneu: i s'
rescrestéve parey k' il åreut avu wangnî li pris (il était fier
comme s'il avait gagné le prix); tél ki (tel que).
Ele si batixhèt avou ki eyèt èn adviebe di foice ou
meyeu, pîre, tél:
- si ... ki (si ... que) - avou èn adjectif:
elle a corou si rade k' elle a stî djus d' sofla (elle a
couru si vite qu'elle a été essoufflée); si ... ki (si
... que) - avou ene troke do no: i gn a pont d' si bele
soce k' i n' si fåt cwiter (il n'y a pas de si belle société
qu'il ne se faille quitter); (si) télmint ... ki
(tellement ... que) - avou on viebe, èn adjectif ou on no:
il a télmint boevou k' il end a stî malåde (il a tellement
bu qu'il en a été malade); dj' a mougnî télmint do chôcolat
ki dji n' a pus fwin (j'ai mangé tellement de chocolat que je
n'ai plus faim); il esteut si télmint sô k' il a tcheyou
(il était si saoul qu'il est tombé).
Lorint HENDSCHEL
2001-08-31