L'adjectif calificatif

Sôrte

Li scrîte rimårke do femrin est sovint e, èt i pout gn avu des candjmints è prononçaedje des cossounes å coron do mot:

• clair $\rightarrow$ claire (clair, -e); grand $\rightarrow$ grande (grand, -e); berdelåd $\rightarrow$ berdelåde (bavard, -e); disgostant $\rightarrow$ disgostante (dégoûtant, -e); fén $\rightarrow$ fene (fin, -e); do spès papî (du papier épais) $\rightarrow$ ene sipesse fouye (une feuille épaisse);

Les adjectifs eyèt les pårticipe erîreces è -is eyèt -ais divnèt -îjhe eyèt -aijhe å femrin:

• il est gris (il est gris) $\rightarrow$ elle est grîjhe (elle est grise); on mwais stofé (un mauvais fromage) $\rightarrow$ ene mwaijhe cassete (un mauvais fromage)

Les adjectifs eyèt les pårticipes è -é eyèt -î divnèt -eye å femrin:

• il est fayé (il est fichu) $\rightarrow$ elle est fayeye (elle est fichue); il est schapé (il est sauvé) $\rightarrow$ elle est chapeye (elle est sauvée); on djinti ovrî (un ouvrier actif) $\rightarrow$ ene djinteye travayeuse (une travailleuse active); li tins est candjî (le temps est changé) $\rightarrow$ l' airaedje est candjeye (l'atmosphère est changée);

Les adjectifs eyèt les pårticipes è -ou divnèt -owe å femrin:

• on bossou ome (un homme bossu) $\rightarrow$ ene bossowe feume (une femme bossue); on longou clô (un long clou) $\rightarrow$ ene longowe ponte (un long clou)

Les adjectifs è -eu(r) fijhèt -euse ou tenawete -resse:

• meyeu (meilleur) $\rightarrow$ meyeuse (meilleure); nintieu (rachitique) $\rightarrow$ nintieuse

Les adjectifs è -î fijhèt -îre:

• prumî $\rightarrow$ prumîre (premier, -ière); ovrî $\rightarrow$ ovrîre (ouvrier, -ière)

Les adjectifs è -in fijhèt -inne:

• contin $\rightarrow$ continne (content, -e); plin $\rightarrow$ plinne (plein, -e); londjin $\rightarrow$ londjinne (lent, -e); inocin $\rightarrow$ inocinne (innocent, -e).

Les adjectifs è -e ni candjèt nén sorlon leu sôrte:

• maisse (principal, -e), såvadje (sauvage), biesse (bête).

Sacwantès disrîleyes:

• bea $\rightarrow$ bele (beau, belle); novea $\rightarrow$ novele (nouveau, -elle); blanc $\rightarrow$ blanke (blanc, blanche); franc $\rightarrow$ franke (franc, franche); bleu $\rightarrow$ bleuse (bleu, -e); coûrt $\rightarrow$ coûte (court, -e); loûrd $\rightarrow$ loûde (maladroit, -e); cron $\rightarrow$ crombe (tordu, -e); doûs $\rightarrow$ doûce (doux, douce); flamind $\rightarrow$ flaminde (flamand, -e); fô $\rightarrow$ fole (fou, folle); sô $\rightarrow$ sôle (saoul, saoule); foirt $\rightarrow$ foite (fort, -e); moirt $\rightarrow$ moite; måva $\rightarrow$ måle (mauvais, -e); moya $\rightarrow$ moyale ou mouwê $\rightarrow$ mouwale (muet, muette); noû $\rightarrow$ noûve (neuf, neuve); principå $\rightarrow$ principåle (principale, -e); rossea $\rightarrow$ rossete (roux, rousse); tot seu $\rightarrow$ tote seule (seul, -e); vert $\rightarrow$ vete (vert, -e); vî $\rightarrow$ vîye (vieux, vieille).

Nombe

A l' omrin pluriel, les adjectifs eyèt les pårticipes purdèt on -s (ki s' ôt pa dvant 'ne voyale):

• on mwais pwin (un mauvais pain) $\rightarrow$ des mwais omes (dès mwês-omes) (de mauvais maris); li grand ouxh (la grande porte) $\rightarrow$ les grands ouxhs (les grandes portes)

Les adjectifs femrin pluriel, s' i sont metou dvant li no, purdèt li cawete -ès:

• ene boune taye (une bonne tartine) $\rightarrow$ deus bounès tayes (deux bonnes tartines); ene bele moto (une belle moto) $\rightarrow$ des belès motos (de belles motos); ene bele pitite djin (une belle petite personne) $\rightarrow$ des belès ptitès djins (de belles petites personnes)

Mågré cisse cawete la, les doûcès cossoune å coron do mot si prononcèt deures , come s' ele serint å coron:

• des teribès afwaires si prononce dès tèripès afwaires.

Plaece

Les adjectifs eyèt les pårticipes si boutèt sovint pa dvant li no k' i vont avou, apreume les coûrts adjectifs eyèt les adjectifs di coleur ou di cogne:

• ene noere vweteure (une voiture noire); ene froede djoûrneye (une froide journée); li gôtche mwin (la main gauche); on foirt ome (un homme fort); des ronds ouys (des yeux ronds); del claire aiwe (de l'eau claire); ene tinre pea (une peau tendre); on djinti valet (un gentil garçon); des beas rodjes canadas (de belles pommes de terre rouges); on bea ptit net manaedje (une belle petite maison propre); c' esteut ayîr li pus froede djoûrneye (c'était hier la journée la plus froide); del benite aiwe (de l'eau bénite).

Sovint, cwand l' adjectif e-st epronté ou sincieus, i s' boutrè pa drî li no:

• li fiesse nacionåle (la fête nationale), on pris aboirdåve (un prix abordable), des fleurs artificieles (des fleurs artificielles)

Les adjectifs avou 'ne adjondrece etur, si boutèt pa drî eto:

• on drapea noer eyèt rodje (un drapeau noir et rouge).

Les adjectifs di provnance si boutèt normålmint po drî:

• ene tchanson lîdjwesse (une chanson liégeoise), li peupe itålyin (le peuple italien).

Portant, les adjectifs walon eyèt roman si boutèt a feyes pa dvant li no:

• on walon scrîjheu (un écrivain wallon); ene walone tchanson (une chanson wallonne); li roman payis (le Brabant)

Dins sacwantès ratoûrneures, l' adjectif si boute po drî eto:

• a pîds dischås (pieds nus), li samwinne passeye (la semaine passée).

Impwès

L' adjectif est sovint eployî come adviebe po djåzer d' on rézultat:

• il a viké vî (il a vécu vieux); i s' ovréve moirt (il se tuait à l'ouvrage; lit. «il se travaillait mort»); ele si coreut sote après lu (elle lui courrait après à s'en rendre folle; lit. «elle se courrait folle après lui»); si rîre malåde (se rendre malade de rire); bouter deur (travailler dur); blanc moussî (vêtu de blanc)

On pout eployî des adjectifs avou les viebes avu (avoir) eyèt et fé (faire):

• i fait åjhey roter vaici (il est facile de marcher ici); i fait tchîr viker (la vie est chère); dj' a bon (je me sens bien); on-z a målåjhey di s' fé comprinde (il nous est difficile de nous faire comprendre); on-z a meyeu si rpoizer ou di s' ripoizer qui do travayî (on préfère se reposer que de travailler)

On pout dvizer d' ene mezeure avou on nombe eyèt èn adjectif tot seu, insi:

• les waesses fijhèt leu nid djusk' a on mete fond (les guêpes font leur nid jusqu'à un mètre de profondeur); li tchambe est shîjh metes lådje (la chambre a six mètres de largeur); ene måjhon hût metes longue (une maison de huit mètres de long); gn aveut deus cintimetes sipès d' moirtî (il y avait une épaisseur de deux centimètres de mortier); i gn a troes doets spès (il y en a une épaisseur de trois doigts); il est ça grand (il est grand ainsi)

Les rmetaedjes si fjhèt insi:

• il e-st ossi malén (il est aussi intelligent); l' efant est mons nozé (l'enfant est moins mignon), l' efant n' est nén si nozé (id.); l' efant est pus djoli (l'enfant est plus joli)

Vochal sacwants adviebes eployîs po les rmetaedjes rilatifs:

• elle est foirt sipitante (elle est très pétillante); elle est mo nåjheye (elle est très fatiguée); elle est hodeye å dla (elle est excessivement fatiguée); elle est scransse jamwais parey (id.); dji so pôr frexh (je suis complètement mouillé); elle est foû mwaijhe (elle est extrêmement fâchée); t' es tot frexh (tu es tout mouillé)

Sacwants adjectifs ont 'ne cogne pårticulîre cwand i siervèt a rmete:

• bén (bien), mî, mia meyeu, li mî, mia, meyeu -- bon (bon), meyeu (meilleur) , li meyeu -- må (mal) , pés (pis), li pés -- mwais ou måva (mauvais), pîre, peyeu (pire), li pîre -- pô (peu), mons (moins), li mons --bråmint ou beacôp (beaucoup), di pus ou pus' (plus), li pus

Les ratoûrneures francesses «de plus en plus» eyèt «de moins en moins» si batixhèt avou todi, di cisse manîre ci:

• djel voe todi mons voltî (je l'aime de moins en moins); i dvént todi pus cawiasse (il devient de plus en plus raide)